Gróðrarstöðin í Kjarri

Gróðrarstöðin í Kjarri er í eigu hjónanna Helgu Rögnu Pálsdóttur og Helga Eggertssonar. Gróðrarstöðin byggir á gömlum merg en föðursystir Helgu, Ragna Sigurðardóttir og maður hennar PéturGuðmundsson bjuggu áður í Kjarri en trjá- og skjólbeltarækt hófu þau á svæðinu árið l953.

Frá árinu l981 hafa Helga og Helgi hægt en sígandi  byggt upp garðplöntuframleiðslu  í Kjarri. Framleidd eru garðtré af ýmsum gerðum, skrautrunnar, skógarplöntur, limgerðis- og skjólbeltaplöntur.

Sérstök áhersla er lögð á ræktun hnausplantna af ýmsum gerðum garðtrjáa s.s.  birki, ösp, greni, reyniviðartegundum, elri og fleiru. Hnausplönturnar eru boðnar til sölu í ýmsum stærðum.

Yfirlit yfir úrvalið sem er í framleiðslu má sjá á heimasíðunni.  Flestar tegundirnar eru í sölu þó alltaf geti hent að eitthvað sé ekki til afgreiðslu þá stundina.

Allar plöntur sem boðnar eru til sölu eru framleiddar í Kjarri og er því einungis boðið upp á íslenska framleiðslu.

Leitast er við að framleiða sterklegar plöntur með öflugt rótarkerfi, plöntur sem eru vel undirbúnar til að takast á við erfiðar aðstæður.

Ræktunin fer fram í plasthúsum, í reitum og á 3 he. útisvæði.

 

 

Plöntusalan er opin yfir sumarmánuðina virka daga frá 8.00 –  18.00 og um helgar frá 10.00 – 18.00

Verið velkomin, sjón er sögu ríkari.